Разговорники

файл single-speaks.php

ЙЫРЧЫ КЪАЗАКЪ: АНАНАЙ ДЕСЕМ, ДЕСЕМ…

Гезлеринг гекдюр сени, Гек атны ялы йимик. Герюнесен гезюме, Дюньяны малы йимик.

Дюнья малы дюньягъа, Дюньягъа къарамайман. Сенсиз герген гюнлени, Оьмюрге санамайман.

Оьмюрлер оьмюр тюгюл, Оьмюрлер гете зая. Къарап сени гергенде, Ичим, бавурум яна.

Сенмейген отдур сююв Талайлыгъа тиеген, Мени йимик нечелер Ялынына гюеген.

Ананай десем, десем… Десе не бола дагъы? Сюйгенине сыр чечип, Оьлсе не бола дагъы?

Дарайны эни булан, Чиллени чени булан, Оьлсем де къайырмайман Янымда сени булан.

Поделиться

Перейти к верхней панели