Стихи

Владик Батманов-Вучиз Диде?

Вучиз Диде?
Владик Батманов

Вучиз Диде, на нек гузва хаиндиз?
Лепир жедай чи душманрин кlвачерик.
И кар акваз гьик1 ацукьин секиндиз?
Вучиз лезги намус кумач эллерик?

Вучиз Диде,на хур гузва угърашдиз
Дидед чlалал кьве гаф галкlур тежедай!
Лагь,гьикьван зун килигин и тамашдиз?
Им девир ян ч1ал кlвачерик вегьедай?

Вучиз Диде, ви михьи нек хъвайида
Квадарзава ви нек1един гьалалвал?
Гьар йифериз ви ахварар хайида
Куьз ийизва пак Ватандиз душманвал?

Вучиз Диде, на кьеп1инихъ лай-лаяр
Авур хци Ватан гузва кепекдихъ?
Чиз амукьзач тарих, хайи чкаяр
Т1ур кутурла фу куьткуьнай хуьрекдик.

Вучиз Диде, вирт тийидай ч1ижери
Ч1ехи чка кьазва къвез-къвез куьнуьда?
Диде,и крар гьик1 эхзва куь рикlери?
Квез эвел хьиз гьуьрметзамач вирида!

Вучиз Диде, накь ви вилик мет1ерал
Акъвазайда пака маса гузва вун?
Тазиятдин къуз хкажна къуьнерал
Яд инсанри сурариз тухузва вун?

Поделиться

Перейти к верхней панели